الشغل بالخبره مش بالشهادات 6 حاجات دي هتفرق فى تكوين خبرات هتوضحلك ازي ان الشغل بيكون بالخبره اكتر منه بالشهاده.
الـEducation بنسبه للشغل
دراستك في أماكن محُترمة هيقويك في مجالك وهيديك ميزة نسبية عن أي حد تاني في أي Interview، وقوة أي مكان تعليمي عالِ بيتقاس بـ3 حاجات:
- المحتوي
- المحاضر
- المكان
وأهمية الشهادة الجامعية بتتقاس باللي إتعلمته واللي بتعرف تطبقه غير كده فبلها وإشرب ميتها ، فحاول تتعلم بمصادر قوية عشان وإنت بتعمل الـResume بتاعتك توضح المصادر دي حتي لو كانت مصادر أونلاين عشان تعرفهم مدي جودة تعليمك.
الـ Internship
إسعي ف إنك تدور علي شركات تدرب فيها في مجالك، لأن ده هيديك خبرة وهيقربك أكتر من الواقع العملي وهتقدر تبني علاقات مهنية هتساعدك بعد كده.
التدريب هيفتحلك فرص كتير بالأخص في الشركة اللي إتدربت فيها وهتديك شهادة خبرة ممكن تستخدمها كميزة وإنت بتقدم لأي شركة تانية، وللعلم التدريب في الشركات مش بس للطلبة، بيبقي في فرص تدريب بردو لحديثي التخرج.
وفي الـ Interview بيبصولك على إنك سعيت وجريت وإتحركت وروحت تتدرب ومقعدتش في بيتك مستنى الوظيفة تيجى لحد عندك.
الخبرة التطوعية
هتكسبك مهارات كتيره أوي ده غير إن الشركات الـMultinational والبنوك بتعتبر الخبرة التطوعية شىء أساسى لقبول أى حد عندها سواء في منظمات مجتمعية أو أنشطة طلابية، ولما تكتبه ف الـCV بتاعك بيبقى ليه نظرة محترمة ف الانترفيو.
فحاول تشتغل بشكل تطوعى فى تخصصك أو مجالك لفترة ما، وده هيساعدك تطبق اللي إتعلمته أكتر وتاخد خبرات فى مجالك وتقدر تعرضها وتتكلم عنها فى الـResume.
والـInterview كجزء مهم من خبرتك.
إحتك بناس Professionals في نفس مجالك
إحتكاك بالناس دي هيوفر عليك وقت ومجهود رهيب وهيزودوك بالدعم بإستمرار ، أهم حاجة يكونوا ناس شغالين فعلا في نفس مجالك عشان تقدر تستفاد من خبراتهم وتقدر توظف خبراتهم لنفسك، إعرف منهم إيه المهارات اللى عايزها المجال دة منك.
وإيه الحاجات اللى لازم تتوافر فيك وتتعلمها ولازم تكون عارفها علشان تكون مؤهل كويس إنك تشتغل فى المجال دة وإسمع منهم التجارب بتاعتهم في مجال شغلهم وإسألهم في الحاجات اللي معندكش علم بيها وحاول تعرف منهم ايه المشاكل اللي واجهتهم وإزاي قدروا يعدوها.
والأهم إنك تعرف تتواصل معاهم كويس عشان تقدر تحصل علي أكبر إستفادة منهم ومتضيعش وقتهم.
إستغل شبكة علاقاتك
معظم الوظائف في سوق العمل بنسبة 75% مش بيتم الإعلان عنها وبتتاكل بدري بدري ، علاقاتك هتوصلك للوظايف دي بدون مجهود وهتساعد كتير في تعيينك.
وكل ما الـNetwork زادت فى مجالك كل ما معرفتك فى مجالك بتزيد والفرص بتبقى أكتر.
إبني Brand قوي لنفسك
إستغل مواقع التواصل زي Facebook وLinkedIn في إنك تظهر نفسك من خلالها، بإنك تعرض كل
الحاجات اللي إتعلمتها وكل الإنجازات اللي قدرت تحققها، وشارك الناس بعلمك سواء Online أو Offline
من الأخر 👇👇
في أي وظيفة هتقدم ليها هتلاقي في Description للوظيفة دي بتوضح المهام اللي مُفترض هيعينوك بناءا عليها، دورك وإنت بتبعت الـResume بتاعتك إنك تحاول تبين إنك بتعرف تعمل المهام دي في الـResume بتاعك وتعمل Focus عليها وتحاول تقنعهم إنك الشخص المثالي للوظيفة دي.
تعليقات
إرسال تعليق