تعلم الانجليزي من الصفر مجانا ولماذا ومن أين تبدأ واسهل طرق التعلم .

 تعلم الانجليزي من الصفر مجانا

 في المقال ده هتعرف ليه تتعلم إنجليزي وازاي تبدأ تتعلمه.

وهتعرف شوية قنوات يساعدوك في التعلم ..

يلا خلينا نبدأ.

لو أنت طالب وتعليمك بيعتمد على بحثك أنت عن المعلومة .. هتلاقي إن في مواقع وفيديوز كتيرة ممكن تساعدك في تزويد معلوماتك، بس المواقع والفيديوز دول باللغة الإنجليزية؛

فمع الوقت بتكتشف وبيكون عندك يقين إنك فعلاً لازم تتعلم إنجليزي.

لو عايز تتعلم المواد التانية لأنك هتعبَّر عن فهمك للمواد دي من خلال اللغة ،

اللي هي الإنجليزي حابة أقلك عزيزي القارئ إنك لو بتتكلم إنجليزي كويس فهيكون ليك فرصة إنك تدرس في جامعة هارفارد (أعظم جامعه في العالم) أو في ييل أو برينستون ..طيب لو أنت عزيزي القاريء متخرج و هتبدأ تشتغل ..

أحب أقلك إنك لو بتتكلم إنجليزي فهتكون قادر على إنك تقدم على وظيفة في شركة كبيرة ونسبة قبولك هتكون عالية .. أو ممكن تقدم على وظيفة خارج بلدك أصلاً (قشطة ياصاحبي هتسافر) وبردو نسبة قبولك هتكون عالية،

 هو احد اهم الاسباب للقبول بالشركات

ومن أهم الأسباب لكون نسبة القبول عالية هي إنك بتتكلم اللغة الإنجليزية ..

ياسلام بقى لو أنت عزيزي القاريء بتحب القراءة .. فأنت هتكون محتاج الإنجليزي علشان تقرأ لـ ستيفن كينج أو سلسلة ” هاري بوتر لـ جيه كي أو تقرأ لـ جين أوستن.

تسألني ” طب ما انا ممكن أقرأ النسخة اللي باللغة العربية ولا اوجع دماغي ؟!

” عزيزي القارئ أحيانًا الترجمة بتكون مكلكعة ومش هتستمتع بقراءتها وأنت متضمنش هل كاتب الرواية اللي أنت عايز تقرأها دي هيفكر يترجمها للغتك الأم ولا لأ. صديقي العزيز أنت عارف إن الإنترنت بقى جزء لا يتجزأ من حياتنا لأننا لو عايزين أي معلومة بنبحث عنها على الإنترنت

تعلم الانجليزي من الصفر مجانا

. أحيانًا واحنا بنبحث عن المعلومة بنلاقي إن معظم المحتوى المعروض بيبقى بالإنجليزي

ده غير إن كل شوية عزيزي القارئ بيتم إنشاء مواقع إلكترونية جديدة باللغة الإنجليزية

(المواقع دي فيها معلومات قيمة) بيبقى ممكن إنك تلاقي بعض المواقع مترجمالك المحتوى بس في الغالب إن الشركات لا تُبالي بإنها تترجم المحتوى للغتك الأم؛

وده لأن في حاليًا ناس كتير جدًا بتتكلم إنجليزي ..

عزيزي القارئ فيه بعض الأبحاث والأدلة العلمية بتقول إن كَوْنَك ثنائي اللغة (يعني بتتكلم لغتين) ده بيحمي عقلك من بعض أنواع الخرَف اللي ممكن تتصاب بيها لما تقدم في السن. في أسباب كثيرة تدفعك لتعلم اللغة الإنجليزية وأنا ذكرتلك القليل البسيط منهم لنفرض إنك عزيزي القارىء قررت خلاص إنك هتتعلم الإنجليزي وبتسألني “أبدأ ازاي؟”

بعض الاخطاء الي ممكن تقع فيها (تعلم الانجليزي من الصفر مجانا )

عزيزي القارئ أنا حابة أذكرلك غلط كبير معظمنا بيقع فيه ..

أنت لما بتيجي تتعلم أي لغة بتبدأ تعرف الحروف وبعدين بتبدأ تحفظ كلمات .. من أول ” تحفظ كلمات ” دي واحنا كده هنبدأ نغلط ليه بقى؟ لأن معظم الأشخاص اللي بيدرسوا وبيتكلموا إنجليزي بيقولوا إنهم مبدأوش بحفظ الكلمات لأ دول ابتدوا بأنهم يسمعوا جمل .. ركز بقى هما بدأوا يسمعوا مش يكتبوا ومش بيسمعوا كلمات لأ دول بدأوا بأنهم يسمعوا جمل ..

جمل كبيرة مش كلمات.. تسألني “هما ليه بدأوا إنهم يسمعوا مش يكتبوا؟

“لأن الله تعالى قال:﴿….إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْئُولًا﴾ (الإسراء:36).

ذُكرَت كلمة (السمع ومشتقاتها وتصاريفها في القرآن الكريم 185 مرة بينما وردت فيه كلمة (البصر)

ومشتقاتها وتصاريفها 148 مرة ..هتلاقي دايمًا إن السمع بييجي قبل البصر ..كمان الطفل لما بيتولد بيقعد حوالي سنتين يسمع وبعدين يبدأ يتكلم، فـ أنت علشان تتعلم أي لغة محتاج تسمعها الأول وتتعلم تنطقها بعد كده تبدأ تحفظ الكلمات و تذاكر القواعد .

أنا هسبلك روابط لـ بعض القنوات والتطبيقات اللي تساعدك في إتقان اللغة، وفي قنوات يوتيوب ممكن تساعدك في مرحلة الاستماع زي قناة

English language academy 

و دة رابط القناة من هنا .

ده لينك لـ قاموس بتكتب فيه الكلمة بالإنجليزي

فـ بيجبلك معناها بالإنجليزي وبيجيبهالك في الآف الجمل المكتوبة وبيجيب نطق الكلمة اللي أنت كتبتها بردو من الأفلام والمؤتمرات الصحافية وفي الكرتون،هو القاموس حلو جدًا وهيفيدك بإذن الله.

لينك القاموس من هنا .

قناة YASSIN SCHOOL

تعد من افضل القنوات التي تحاول تقديم محتوي سهل في تعليم الانجليزي من الافلام 

حيث ان الفديوهات يتم عرض فيها الكثير من المقاطع في الأفلام و ترجمتها و تكرارها أكثر من مرة

تستطيع الدخول للقناة من هنا

في لينك لـ قناة علي اليوتيوب باسم “دروس أونلاين

“بيشرح فيها المهندس أحمد أبو زيد الإنجليزي بطريقة سهلة ومبسطة وهتفيدك جدًا

وبيتكلم فيها عن ازاي تحفظ كلمات وبيتكلم عن النطق، وبإذن الله شرح القواعد و تلخيصها اللي موجود على القناة هيعجبك.

لينك القناة من هنا 

نختم بقى بـ أعظم قناة على اليوتيوب لتعلم الانجليزي اسمها ZAmerican English

• تعلم الانجليزي من الصفر مجانا

بيشرح فيها الأستاذ إبراهيم عادل الإنجليزي بالتفصيل .. الأستاذ إبراهيم مقسملك كورس تعلم الإنجليزي إلى أربعة أقسام :

قسم الاستماع، و قسم القراءة، وقسم الكتابة، وقسم القواعد. وفي واجب آخر كل حلقة علشان تختبر فهمك والأسئلة بتتحل في تاني حلقة.

لينك القناه علي اليوتيوب من هنا .

وبالمناسبة الأستاذ إبراهيم عادل عامل تطبيق لتعلم اللغة الإنجليزية.

الابلكيشن  عليه كل الكورسات.

وعليه كمية تدريبات كتيرة علي كل فيديو من فيديوهات الكورسات

وكمان لمَّا بإذن الله تنزل التطبيق هتلاقي إن التطبيق بيبعتلك كل يوم حكمة..الأستاذ عادل بيتكلم معاك عن اللغة وازاي تتعلمها وبيعرَّفك الطرق اللي المفروض تتبعها علشان تنجح فعلًا في تعلم اللغة..

وده لينك الابلكيشن من هنا .

ولو حابب تتابعنا علشان يوصلك كل الكورسات المجانية الي في جميع المجالات وكمان المنح الدراسية المختلفة لا وكمان الوظائف يبقي لازم تتابعنا علي قناتنا علي التليجرام من هنا

https://t.me/AImaarefa