وانت في فترة الامتحانات متنساش تطبق العادات اليومية دي !!

 وانت ف فترة الامتحانات دي متنساش عاداتك اليومية. 

قلل عاداتك بس متقطعهاش. 

متخليش اسبوعين من حياتك مقتصرين علي رتم واحد بس. 

ودي شوية نصايح عشان تعيش اسبوعين حلوين مش مجرد قلق وامتحانات:

1. اثبت علي ورد القرآن ، القرآن مش هيضيع وقتك ، بالعكس ده هيبارك ف يومك ويحفظك من وساوس الشيطان والقلق والتوتر. 

2. اثبت علي ورد القراءة العامة ، حتي لو هتقرأ ربع ساعة بس ، 10 صفحات من أي كتاب، ويفضل لو تحفيزي عشان يلهمك ف الفترة دي. 

3. اعمل رياضة ولو 10 دقايق كارديو أو يوجا ، او حتي شوية meditation يصفوا ذهنك.

4. حافظ علي أكلك وشربك وصحتك.

-كل كويس وافطر كويس.

 -اعمل عصير طبيعي.  

-هات مكسرات هتفيدك جدا في تقوية وتحسين ذاكرتك

 - هات اوميجا 3 . 

-كل فواكه كل يوم. 

5. نام كويس، ويفضل لو تنام بدري وتصحي بدري، المذاكرة وقت الصبح بركة ونفع، وكده هتعود مخك انه يكون مصحصح وقت الامتحان. 

الامتحانات مش نهاية العالم، متخليهاش تأثر علي نفسيتك أو صحتك . 

هون علي نفسك واخرج كسبان من كل النواحي. 

هانت  ....