ابلكيشن ممتاز هيحسن مستوي اللغة عندك !!

                       

 الناس اللي بتحضر لامتحان التوفل أو الأيلتس ، في App علي الموبايل اسمه English study

الابلكيشن ده هيغنيك عن أي كورس preparation قبل الامتحان ، وكمان لو عايز تحسن مستواك في اللغة ، هيساعدك جدا ...

عد معايا المميزات اللي فيه :

1. أول تلت ايقونات في الصورة A B C ، دول تلت مستويات في اللغة من مبتدئ لمحترف ، كل مستوي في 98 امتحان ، كل امتحان 20 MCQ ، بتحلهم وبعدين بيطلعلك النتيجة ويقلك اخطائك ،، وفي جزء خاص بامتحانات التوفل .

2. هيدربك علي الـ Reading ، فيه 160 باراجراف بأسئلة مختفة عليهم واجاباتهم .

3. هتتدرب علي الـ listening ، فيه 79 موقف مختلف مكتوبين علي هيئة حوار بين شخصين ، وفيه تسجيل audio لكل موقف ، بتسمع التسجيل وتحل عليهم .

4. جزء خاص بالـ grammar فيه شرح بسيط ومحترم لاهم قواعد اللغة ، بامثلة واسئلة علي كل جزء.

5. فيه Radio مجمعين فيه تقريبا اغلب الـ channels المهمة في كل دولة ، هتلاقي عليه محطات من امريكا وبريطانيا واسبانيا وفرنسا وايطاليا وألمانيا ،كل اللغات تقريبا مش الانجليزي بس ،معرفش ليه.

6. اخر حاجة وده المفضل عندي ، جزء الـ e news ،، وده لو انت عايز تتابع اخر الاخبار في السياسة او العلوم او التكنولوجيا او الطب او الكورة او حتي الطبخ ، هتلاقي عليه اخبار بتنزل كل يوم ، وكل خبر علي هيئة مقال ، وفي تسجيل audio بيقراه ، وفي ترجمة للكلمات الجديدة فيه ..الجزء ده مش مجرد تجميعات بس ، لا الناس اللي شغالين عليه بينزلوا يوميا اهم الاخبار العالمية ،يعني يغنيك فعلاعن متابعة الاخبار لو انت مشغول.

الابلكيشن ده ممتاز فعلا هيحسن جدا مستوي اللغة عندك ، اهم حاجة اهتمام ومتابعة يومية .

لينك تحميل التطبيق من اضغط هنا