إزاي احافظ على عينيا من تأثير الموبايل

مش شرط تلبس نضارة على فكرة

كانت في طريقة اتجربت من واحد أجنبي بقاله 10 سنين بيشتغل على اللاب توب ، ومش لابس نضارة.

الطريقة دي هي إنك كل 15 دقيقة شغل على اللاب أو 30 دقيقة بالكتيرة بص على حاجة بعيد عنك بــ 5 متر كده ، وليكن كوباية مية ، بص على الترابيزة الأول لمدة 20 ثانية، بعدين ضيق المساحة اللي مركز عليها ، فبص على الكوباية لمدة 20 ثانية ، طيب هتضيق المساحة أكتر وتحاول تركز على المية اللي جوا الكوباية لمدة 20 ثانية

الفوكس اللي إنت عمال تعمله ده بيبقى عبارة عن تمرينات لعينيك والبؤرة بتاعت العين تفضل توسع وتضيق أكتر من مرة لحد ما تبقى تمام جدًا ومفيهاش أدنى مشكلة من الإشعاع اللي أصابها الفترة اللي فاتت

وطبعًا لازم تنقل عينيك عن الشاشة كل شوية وتبص في الدنيا حواليك كده، وكل يوم جمعة اخرج امشي في أماكن خضراء أو صحراوية بحسب بلدك، وبص بعيييييييييد أوي بأبعد شيء نظرك ممكن يرميه

وبكده إنت هتحافظ على عينيك جدا لو كنت من النوع اللي شغله ليل نهار على الاب ، أو بتقرأ كتير pdf على الموبايل بتاعك