الشخصية العنيدة

 الشخص الي دماغه ناشفه جدا جدا وعنيد اووي … مش عيب طالما ماشي في الطريق الصح .

أما بقا لو الشخص دا كان عنيد ودماغه ناشفه جدا ومختار الطريق الغلط و الكل بينصحه أرجع وابعد وبردوا مش سامع و لا مقتنع يبقى نهايته معروفه  الندم .

في حاجه مهمه جدا لازم تكون موجوده معانا في سلوكنا بشكل يومي ؛ في حياتنا جوه البيت وبرا البيت ...

السلوك او المهاره دي هي المرونه.

الي لو الواحد مننا اكتسبها في سلوكياته الحياتيه بالظبط كأنه أمتلك كنز كنز في التعامل مع كل صدمات الحياه ؛ كنز في التعامل مع الآخرين ؛ كنز يساعدك في اتخاذ القرار الصحيح و كنز يخدك اتجاه الصواب.

في 4 خطوات دليل واضح من خلالهم تعرف نفسك اذا كنت بتتمتع بالمرونه ولا لا
ومن خلالهم بردو تقدر تنميهم وطبقهم في سلوكك بشكل يومي علشاااااان تتسم بالمرونه

أولا : راقب نفسك وبلاش النظاره الي لبسها جوا البيت وبرا البيت  شيلها وشوف تصرفاتك وافعالك اتجاه نفسك ازاي واتجاه الآخرين ( متحجر  ، متشدد ، صارم ) ولا لين وسهل ومتساهل مع نفسك ومع الي حواليك
مراقبتك لنفسك ولي أفعالك هتخليك تركز كويس إنك تعدل من سلوكك المتحجر لسلوك اكث مرونه ودا احنا الي عايزينه.

للأسف اغلب الأشخاص المتحجرين مش معترفين بنفسهم اصلا ولا شايفين ان هما لازم يغيروا من تصلبهم دا
فلو انت واحد منهم ومش عارف نفسك بسيطه

اسئل شخص ثقه ( مقرب ليك ) او عده أشخاص
واسئلهم وشوف رئيهم ايه فيك هل انت عنيد ام مرن ؟
وبالتالي لو اغلبهم اجمع على إنك كدا بالفعل … يبقي لازم تعمل الي هنقوله في الخطوات الجايه وتكتسبهم وتخليهم سلووووك يومي عندك

ثانيا : تقبل الشخص لي اخطائه واعترافه بيها مؤشر على أنه يقيم نفسه ورغبته على التحسين من أخطأه ودا دليل علي مرونه الشخص …
يعني انه معترف بفكره قبول الوقع في الخطأ وإمكانية تعديله
لأن كلنا معرضين نخطأ في حياتنا …. اذا تفكير مرن

ثالثا :  إيمانك الدائم بتعدديه الصح

يعني ايه ؟؟

يعني جايز نتفق مع بعض في أمور ؛ وجايز نختلف في أمور ؛لكن هناك أمور في حياتنا نختلف في وجهات نظرنا حولها ولكن كلها صحيحه
يعني : وجهه نظرك أنت صح وبردو وجهه نظره كمان صح

والموضوع الاختلاف في وجهات النظر الي كلها صحيحه بيحصل جداااا في البيوت ؛ بين الأزواج
فامهم يكون المبدأ ( تعدديه الصح ) عندنا هيقلل جدا من حده الخلافات الزوجية خصوصا الي بتحصل في اول سنوات من الزواج.

فــ أقبل بمدأ إن جايز يكون كل شيء صح عشان تتسم بالمرونه في تعاملاتك الحياتيه

رابعا : أقبل بفكره ( تصحيح المسار ) لربما كنت خاطئ في طريقتك للوصول للهدف … اوبس يعني ايه

يعني في مشاكل بنواجهها بشكل متكرر ومش عارفين نحلها او نتعامل معها ؛ والسبب هنا هو إن طريقتنا في حل المشكله او نفس المشكله هو اتباعنا لنفس الطريقه ؛ والطريقه دي من الأساس غلط … فغير طريقتك في حل المشكله يمكن تقدر تحلها
فتغير الطريقه للوصول لحل او لهدف .. مؤشر على مرونتك في التفكير

في مثل بيقولك :

( من الجنون ان تفعل نفس الأفعال في كل مره وتنتظر نتائج مختلفه  )

عايز تغير النتيجه غير طريقتك  دليل علي المرونه

في النهايه:

المرونه كنز …. اغتنمه لصالحك