البكتريا ‏مش ‏أقوي ‏منك ‏(قوتك ‏مش ‏متشافه ‏بس ‏مؤثره)

هتكلم النهارده عن حياتك ، أحلامك ، طموحك.

بدايتاً كده ،حياتك أو أنت  عامل زي  الخليه البكتريه بالظبط  ، والحياه عامله زي منظف كيميائي قوي جدا ، لما بتتعرض البكتريه ديه للمنظف القوي ده بتعمل أيه؟

تفتكر أيه؟ هل هتموت زي أي خليه وخلاص ؟ هتقولي أه! هقولك الخليه البكتريه رغم كونها وحيده الخليه ألا أنها بتتركب في بنيتها من مركبات بتمكنها، وتعطيها ، القدره أنهي تقاوم أي ظروف ، ومديها القدره أنها تكتر عددها بشكل مهوول وسريع . بس هقولك مش كل البكتريا لانها أنواع زي البشر والكائنات التانيه بالتمام .

أهو أنت بقه البكتريا ديه ، والحياه هي الظروف الصعبه ، مهما عصرت عليك من أحماض ، ومنظفات وكمويات ، عشان تحذفك من الوجود ، او تقضي عليك ، كتر أنت من قوتك ، ومقاومتك ، وأرادتك. بإمكانياتك المخلوق بيها في الواقع بتاعك ، وأهزمها ! أصل مش البكتريا تقدر وأنت لا ! مش معقوله أظن . قاوم بكل ما تملك ، قاوم لأخر نفس ، قاوم للحد ما تخليها تيأس من محاوله فشلك . هتمر بأصعاب الليالي والأيام . هتحصلك حاجات عمرك ما تخيلت أنها تحصل ، هتموتك الظروف ، وتمحيك ، وتعيشك ، وتوجدك ، هي ديه الحياه ، مختلفه ومتقلبه . حط ديما في دماغك المتميزه أنك بكتريايه صغيره ، ومش متشافه ، بس قويه وليها تأثير . وزي ما البكتريا أنواع ، البشر أنواع ، فكون أنت النوع اللبكتريا القوي

عارف ممكن تمر بحاجات ، في أقصي الصعوبه ، وتمر بيها للوحدك ، بس أنت عشان خليه بكتريه صغيره مش متشافه ، لكن محدش في قوتها هتقدر تعدي،وهتعدي .

 وحاجه كمان !

قرب من ربنا فوز بيه هو وبس ، وأنسي أي حاجه بعد كده ، أذكره في كل ثانيه في حياتك ، عيش بيه ، كلمه في كل وقت ، وزي ما رزق البكتريا بصفاتها العجيبه ديه ، ووفرلها كل الي تحتاجه ، شوف أنت بقه يا أرقي مخلوق عنده هيديلك أيه ؟

----قوتك مش متشافه بس مؤثره.

مش عايزه اطول عليك وعايزه أروح أعقم نفسي بعد المقاله ديه!ههههههه. 

هقولك حبه نصايح ليك كبكتريايه قويه:

١. قرب من ربنا قوي ، فوز بالقوه ديه لانها تستحق الفوز.

٢. أتثقف ، فتش ، دور ، أوعي تعد كده من غير حاجه ، أقرأ ، خليك مع ناس مرتحلها ، ومشجعاك أكتر. 

٣. النجاح هو عدم التوقف عن المحاوله 

٤. معني أنك بتغلط ، أنك بتحاول تغير حياتك ، أنك بتجرب حاجات جديده ، أنك بتحاول ، فهتنجح

٥. حب نفسك لأنك قادر علي فعل أي شئ.

٦. ابدأ من أي نقطه ، حتي لو الي مش عايزها ، وهي هتوصلك للي بتتمناه. 

٧. صارح نفسك بعيوبك ، وغيرها .

٨. أنت تقدر علي كل حاجه.

بقلم : إسراء حسن محمد

 

& بحبكم -بشجعكم.