في الواقع إحنا قليل أما نلاقي كتاب يشدنا علشان نقرأه لكن بقالنا فترة بنقرأ كتاب رائع اسمه أول مرة أصلي لـ د. خالد أبو شادي
– ممكن اسمه يوحي بإنه بيتكلم عن الفرائض والسنن والوضوء ، لكن أما تقرأه هتلاقي حاجة تانية خالص
– بيتكلم عن الخشوع في الصلاة ، وإزاي تستشعر جمال كل خطوة في الوضوء، وكل كلمة وحركة في الصلاة، وأذكار جديدة تقراها وأنت بتصلي علشان تقضي على الفتور، وكل ده بأسلوب سلس
– ناس كتير قالت عليه إنه حلو جدًا وأثر فيهم وحسوا بطعم جديد للصلاة، بقوا يستنوا كل فرض بفارغ الصبر علشان يرتاحوا بالصلاة مش منها أرحنا بها يا بلال وحسوا وكأنهم أول مرة يصلوا فعلا !
– الكتاب يعتبر هدية لأي حد مقصر مع ربنا ومش بيصلي أو غير منتظم في الصلاة أو حتى بيصلي لكن بيصيبه الفتور في كثير من الأوقات لإنه هيجدد مفاهيم الخشوع والإيمان عندك ولعلها تكون بداية جديدة ليه، تستمر باقي السنة مش في رمضان وبس.
– هو حجمه صغير ، وحوالي 100 صفحة بس،
للتحميل كتاب أول مرة أصلي : اضغط هنا
تعليقات
إرسال تعليق