باب السعاده

عزيزي العاشق للقراءه وبالأخص مقالاتي اللطيفه : النهارده مقاله مختلفه ، مختلفه تمام .حكينا قبل كده وفسرنا جمله ماخفي كان أعظم ، وهنكمل سلسله كلامنا النهارده ب باب السعاده !انا شخصيا بالنسبه لي السعاده ديه بابا ، يعني فيه امكانيه للفتحه ولأغلاقه ، وعلي فكره المفتاح ده في أيدك أنت ، أنت وبس .

كتير بتفرج علي الناس وأسرح بأفكاري ليه في ناس مكشره ومش سعيده ، وليه في ناس في قمه الراحه والسعاده ، ليه في ناس مرتاحه في حياتها ، وناس تانيه تعيسه وشقيانه في حياتها ، ليه في ناس غنيه وهاي ، وناس تانيه لا .بغض النظر أن ديه طبيعه الحياه ، ولكن للطبيعه أسباب . ومن أهم ملاحظاتي الي وصلت لها أن السبب فينا وفي أختيارتنا ، وطريقه الحياه الي أخترنا نعيش بيها . وكمان بسبب عدم اقتناعنا أن السعاده اسبابها كتير اوي اوي اوي يعني أبوابها لا تعد ولا تحصي . واحد من الناس بالنسباله السعاده أنه يجري ويلعب رياضه ، غيره أنه يفضل وسط صحابه ، وغيره أنه يقعد علي النيل بكوب شاي دافئ ، وغيره أنه يعمل خير . طب لو كل شخص من دوال حصلهم حاجه في مسار حياتهم ومبقاش عندهم القدره انهم يعملوا الحاجه ديه.

هل يعيشوا في تعاسه ؟

طبعا لا ! طيب يعملوا أيه ؟يفتحوا أبواب تانيه جديده تكون اكتر سعاده . لسه مش فاهم؟

هحكيلك قصه : بنت كانت من ضمن شله ، حوالي 5 بنات ، أصدقائها خذلوها ، وبعدوا عنها لأسببهم الخاصه بعد عشره عمر ، البنت ديه كانت حياتها هي صحابها ، بتخرج وتذاكر وتحكي وتضحك وكل شئ كان معاهم . هل لما مصدر سعادتها ده اتقفل يبقي خلاص كده ؟ لا يبقي تبدأ تدور علي  حاجه تانيه بتملي قلبها سعاده تفتح باب تاني أحسن مليون مره من الي أتقفل ، تعمل خير ، تلعب رياضه ، تصاحب غيرهم ، تغير أستايل .....وطبعا مش هعدلك. أبواب السعاده كتير أزاي ، وأنت وشطارتك أنك تختار الي يناسب ميولك وحبك.

ملخص كلامي : أنه لما بابا يتقفل وكان مصدر سعادتك ، متعيش تعيس لا دور علي مصادر تانيه ، أفضل مليون مره من مجرد بابا أتقفل .

بحبكم ودمتم في سعاده. 

الكاتبه إسراء حسن محمد