"المدمن مجني عليه"

    هنتكلم وندردش أنا وأنت وهي بختلاف عقلياتكم ومفهامكم وهنظبط كام نقطه مهمه كده مع بعض ، ومش هسيبك غير لما تفهم مش تسمع وتحفظ! هنبدأ في سرد  3 محاور أساسيه ،وده طبعا مش المحاور كلها ، وإنما 3 محاور المفروض تتثقف بيهم كمواطن عادي :1-يعني أيه إدمان .2-مين أقول عليه مدمن ومين شخص سوي . 3-طريقه التعامل بتم أزاي. 🐮 بدايه من عنوان مقالتنا مخدرات ! اه مخدرات  مالك اتفزعت ليه ؟ هتقولي لا أبداً..... بس ديه حاجه مش كويسه ، والمفروض منتكلمش فحاجه كده عشان عيب . عيب! لي تفتكر عيب ؟ أنتي تعرفي أن الشخص ده منعدم الدين ، مش بيحب غير نفسه ، مش بيهمه غير نفسه وبس ،بيسرق ، بيقتل ، بيفكك عيله ، بيضيع حق الناس ، بيضيع المجتمع ، وكفايا بقي مش عايزين نفتح المصوره بتاعت الاحزان وخلي الطابق مستور . طب يا جميل أسمع بقي ، هو الادمان ده ايه بالظبط؟ ده حاجه مش كويسه . بجد ! لا الأدمان ده مرض زي اي مرض في الدنيا ؛ زي السكر ، والكبد .الأدمان بيصيب الناس كلها بس بدرجات متفاوته . الأدمان هو قدره الشخص ماديه ومعنويا علي التعلق بسلوك سئ او  شئ مادي ؛ ممكن الشئ ده يكون المخدرات أو حاجات تانيه العالم مدمن عليها وبنعديها ومش بنقول عليها سلوك سئ  زي التلفون ، السجاير ، الشتايم ، الجنس ، التنمر ، الغضب ...وكل ده ادمان ، ومش هنقدر نضع حد لأمتداده حسب كل شخص ناقصه أيه ؟ فبيكمله بلأدمان ده   . يعني الأدمان نابع من وجود فراغ ما في الشخصيه سواء تقدير ،حب ، أحتواء ، أي أحتياج نفسي ، فبيلجأ للشئ سئ اخر يكمله بيه ، وبيتحول أدمان عشان مش قادر يتخلي عنه عشان ده حله الوحيد،ملقاش ملجأ غيره. عرفت يعني أيه إدمان ؟  الأدمان ده مش هو مشكلتنا الاساسيه ، لان مشكلتنا هي الأذي الروحي والجسدي و النفسي و العقلي الي سبب أعراض الادمان والي بيتعرضله الشخص المدمن ، غصب عنه ومحدش سامع صوت صراخه  .مش فاهم لا ! بص يا مميز  الادمان عرض زي أعراض البرد ، فلو حبينا نقول البرد ايه هنقول مرض ، ولو قولنه أعراضه  هنقول الذكام ، والعطس بشده ، و ألم الحلق ،وهكذا.... يعني الأدمان عرض؟ ايوه بالظبط كده. ولو هنعالج الأدمان مش هينفع نعالجه للوحده ، لانه عرض واحد للمرض ، فلازم نعالج كل جوانب الشخص عشان يسترد نفسه من جديد . تاني محور المدمن : والي في رأي الدراسات والأبحاث المجني عليه ؟ هو الشخص الي اتظلم وسطنا  هو الشخص الي قابل قسي وصعوبات ، وتحديات ومحدش كان جنبه ومحدش حس بيه . مخدش حب ولا تقدير ولا قبول من الناس . هو الشخص الي اتحرم من حقوقه الاساسيه احيانا ومن حقوقه النفسيه كثيرا . شخص محدش حس بيه ولا فهمه ، محدش قدره واحترمه ، شخص اهله مهملينه ، واصحابه مطنشينوه ، وكله بيتعامل معاه علي أنه صفر ليس له قيمه ، شخص علي الهامش  . شخص اتعرض لكميه الم من كل الجوانب ومحدش احتواه وقت المه وواجعه  غير ......المخدرات  ......والي وصلته لل.....إدمان للاسف. لما تبقي شخص عندك مغص وخت مسكن هيجري ايه ؟ هرتاح . أجابه منطقيه . طب لو معندكش وخت نفس المسكن  هيكون تأثيره ايه ؟ ولا حاجه . بالظبط كده بيحصل مع الشخص الي ظلمينه الي هو المدمن ، شخص  الألم الي عنده فاق كل شئ  ، وجع محدش قدر يسكنه غير....المخدرات . للاسف ملقاش حاجه تهدي المه ولا تسمعه ولا تحتويه غير المخدرات ....غير أدمان شئ سئ ولكنه بيريحه ، ويسكن المه لحد ما بيقضي عليه هو شخصيا مع الاستمرار في السلوك ده . المحور الثالث أزاي اتعامل معاه ؟ الشخص المدمن ، هو شخص مفتقد للحنان ، للحب ، للاحتواء للتقدير ، لازم نحتويه بكل ما تعنيه الكلمه ، نعرفه انه اد ايه مهم عندنا ، اد ايه هو شخص جميل ، وعنده امكانيات ، اد ايه لازم يحاول يقاوم  المشاكل عشان حياته تستاهل يعشها ، يتعلم يقوم ويقع ، عشان كده رسالتي ليكم ، أحتوا الناس الي حواليكم ، خليهم يغرقوا في حبكم وتقدريكم ليهم ، خليهم بحسوا أد أيه هما ناس مهمه . بالنسبه للأهل ، احب اقولهم اهتموا بصحه اولادكم الجسديه والعقليه والنفسيه ، أستثمروا ونموا من شخصيتهم ، أكتشفوهم أحتواهم ، ولو مشغولين ، فضلوا لهم وقت مخصص ليهم قبل ما تندموا علي كل وقت قضتوه بعيد عنهم بلاش تظلموهم ، بلاش ارجوكم . طرق معالجه المدمن ، في ابحاث كتير ولكن نسبه نجاحها قليله جدا ، لحد ما وصلوا لأسلوب مؤخرا وبيطبق هنا في مصر ، ان المدمن يتعالج نفسيا عن طريق مدمن بيعالج مدمن ، لانه محدش حاسس بيه غير واحد زيه وديه ناجحه وصل ل 85% . خلاصه القول أننا لازم نفهم ونتثقف ونفوق ، لازم نحب الي حوالينا ونراعيهم ، اننا نساعد  ومش معني أني معنديش أدمان ، ولا أهلي عندهم أني اقول مليش دعوه! لا بالعكس انت دورك مهم جدا جدا ، لازم لو قابلت حد كده تحتويه ، تحبه ، تتقبله ، تعرفه أنه إنسان أنه مهم ، ونبطل نخدع ونظلم ، ونمارس عقدنا النفسيه بدل ما نتخلص منها ، بلاش نرمي كلام صعب والي بينطلق كسهم مخترق قلوب أخرين ، ويجعلهم ينتهون ببطأ قاتل ومدمر ، وبعدين نرجع نقول هما السبب ، هما الي مش كوايسين ، بختصار الابتسامه في وجه أخيك.......هااااا أخيك ايا كان عقله وجنسه وشكله صدقه ....  ، الكلام الطيب مثمر ، أترك أثر جيد ، ومن كان جابرا للخواطر أدركه الله في جوف المخاطر .أحب أنهي وأختم المقاله بتجربه أتعملت :جابوا 4اوعيه ووضعوا بها أرز بنفس الكميات وكذلك وضعوا الماء بنفس المقدار ، وتركوها بذات الظروف ، وتلفظوا بلفظ جيد كالحب؟ في الأولي ، والاخري بكلمه سيئه ،والأخري بالأثنين معا ، والأخيره بدون ولا كلمه ، لاحظوا بعد أن تركوها فتره في الماء أن الاكثر نموا سليما هي ذات كلمه حب ، والباقي بهم تشوه في شكل نضجهم . تخيل بيحصل ده للأرز......طب الأنسان بقي ؟ وممكن أنت تجرب التجربه وتشاركنا بيها. الخلاصه فكلمه "حب" ، أتعامل بحب ، ضحكه صافيه ، بجمال .

بجد مفيش حاجه مستهله ! 

المدمن مش مدمن ، الأدمان عرض ولازم نعالج باقي أعراضه مش هو بس ، الأدمان في حاجات كتير غير المخدرات ، زي السجائر ، وسلوكويات تانيه .

المدمن -مجني-عليه.

دمتم بخير 

تثقفوا 

الكاتبه "إسراء حسن محمد ".