ديماً بنسمع عن الخبره والمهارات المطلوبين لأي وظيفه ، ولأن الحياه ليست قراءه للكتب فقط ، ولا حتي أداء بعض الأمتحانات للنجاح في الصف الدراسي أو الجامعي ، لكن لازم وفرضاً لم تخبرنا به وزاره الترييه بكافه قطاعتها المختلفه بختلاف الصفوف . ولأن الشخص المقدر لقيمه تلك المهارات و الخبرات ليس موجود بالفعل في أفراد عائلتنا إلا نادراً .
ربما نحن بحاجه للتعلم ثقافه التطبيق في مواقع الحياه كدول أخري تقدمت بفضل ذلك الشئ المسمي مهاره.جميعهم يحفزون الدراسه الصفيه وفقط.
أعتقد أنك فهمت عن ماذا أتحدث اليس كذلك!
جميعنا يبحث عن الخبره والمهاره من بعد سنوات الدراسه ويتخبط بين الشركات للتقبل به ويعمل بدون خبره ويبدأ من خلالها يكتسب الخبره الجديده المختلفه عما قرأ أو تعلم في صفه الدراسي .
ربما تأتي الخبره من معركتك مع الحياه والبشر في أناً واحد .
وهناك أيضاً جانب أخر تم هجرته وهو العمل التطوعي . وده المهم جدا لك شخص محتاج خبره ومحتاج مهاره . التطوع مميزاته كتير تقدر تقرأ عنها في أي موقع تعليمي . بس هقولك أكبر ميزه أنا شخصياً أكتسبتها ؛ أني قدرت أكون علاقات كتير جداً وكبيره من أول الكبير لحد الصغير تدريجياً في المقامات . عرفت حاجات عمري ماكنت أتخيل أني أعرفها ورحت أماكن مسمعتش عنها قبل كده كمان .
أستفدت خبره و مهاره وعلم وعلاقات عامه وثقافه وخبره في أنواع البشر كمان .
قدرت لما أحتاج حاجه أكلم شخص محترف يفدني أو عنده خبره يعلمني ، قدرت أبدأ مشروعي الخاص بيه بدري ، يمكن حاجات كتير نقصاني بس أنا شايفه أنه في المقابل حاجات كتيرأضافت ليه ولخبرتي ، بدون معاناه مع شركات وأستغلال!
مش معني كلامي أني بقولك متنزلش شركه تدرب ولكن أنت محتاج تهتم بلأنشطه المختلفه بجانب لو هتنزل شركه بجانب لو بتدرس .
أختصاراً لكلامي ، تقدر تتعلم مهاره وتاخد خبره من الأنشطه التطوعيه المختلفه ، وكمان تكون علاقات عامه توصلك للشغل في يوم من الأيام او تساعدك وأنت بدور علي حلمك أو نفسك توصل للحاجه .
سؤال وجيهه ومهم هنا أزاي أبدأ أنزل الأنشطه ديه ؟
أولا: من خلال تيم تطوعي وديه منتشره علي الفيس بوك كتير جداً بس أختار تيم كويس وموثوق فيه .
ثانياً: من خلال الجمعيات الخيريه ومنظمات المجتمع المدني و أنك تكون مسؤال عن حاجه معينه فيها وتاخد خبره ده شئ رائع في حد ذاته ويعتبر تدريب ليك .
ثالثاً : الأنشطه المدرسيه أو الجامعيه كالأسر والجولات والأتحادات وغيرها.
رابعاً: من خلال مراكز الشباب وأنك تحضر إيفنتات ومؤتمرات وندوات وزاريه وتدريبات مجانيه وكورسات ، وده من خلال أنضمامك لبرلمان الشباب عن طريق عمل عضويه للمركز الشباب الأقرب لك .
خامساً: من خلال أشتراكك في مبادرات شبابيه .
سادساً : من خلال الوزاره ذات نفسها وزاره الشباب والرياضه إلي بتقدم كورسات وتدريبات ودعم بدون مقابل مادي المقابل الوحيد هو أنك تنجح!
سابعاً:النوادي الرياضيه أنك تمارس هوياتك
ثامناً:المنح المموله من خارج أو داخل مصر .
تاسعاً:تطوع خارج مصر .
عاشراً: في مصادر كتير يمكن أنا معرفهاش بس ممكن بالبحث أنت تعرفها .
وكمان عندك
في دعم في كل حته وكل مكان بس يمكن مش بنسمع كتير منها ومحدش بيعطي للخبره و المهاره أهتمام إلا ماقل . ولكن هاأنت فهمت السبل والطرق للوصول ها أنت علي أول الطريق للتصل للخبره وأيضا المهاره.
يمكنك فعلها ....نعم .
#محاوله كاتبه .
#إسراء حسن.
تعليقات
إرسال تعليق