الوجهه

جه عليه الوقت الي حسيت فيه أن الدنيا ملهاش طعم وأسال نفسي في كل للحظه هو أنا عايشه ليه ، ليه لسه ليه رزق ونفس داخل خارج بشهيق وزفير ومشاوير بركبلها مواصلات كل يوم وأنزل وأسعي وأخد بلأسباب وظروف بتحصل وبتضغط أو تفرح؟ ليه عايزه أصحي بدري ؟ ليه لما الاقي كرسي فاضي في اي مكان عام أجري وأقعد فيه قبل ماحد غيري ياخده ، ليه لما بجوع أو أعطش أدور علي أي حاجه تشبعني ، ليه بخاف علي زعل حد ؟  ومليون سؤال وسؤال بيخطر علي بالي الفتره الحاليه . ليه ربنا خلقني؟ فجأه حسيت أن سبب دفاعي عن بقائي مش واضح ؟ أتعلمتي وكملتي لحد جامعه وأتخرجتي؟ هقولك أه ....طب لقيتي شغل ؟ هقولك لقيت وخبطت علي الباب ومفتحش .......هو رزق ومحدش يعلم غير ربي ، رزقي فين؟ خدتي كورسات؟ أه لكن مش كتير! نزلتي تدريبات ؟ أكيد....طب حضرتي ندوات ومحاضرات وأنشطه ومؤتمرات....ياه كتير .....طب ليه مكتئبه؟ عشان حاسه أني بدور في لعبه بطريتها مبتخلصش وحتي دورات اللعبه مش عارفه سببه؟ اللعبه الي هي الحياه.....أنا ليه عايشه؟ عملت كل حاجه ممكن أي بشر يعملها ؟ طب وبعدين ؟ ايه هدفي الجديد الي هسعي ليه؟ حاسه أن دماغي فاضيه وان الدنيا عفار ومسيره هيختفي ؟ طب اعمل ايه يدي لحياتي طعم من جديد ؟ طب ازاي اغير حالي من حال لحال افضل ؟ طب ازاي اتاكد اني قريبه من ربنا كفايه وانه بيحبني ؟ طب ازاي اخلي الاقدار تمشي في صالحي ؟ طب ازاي احل مشاكلي؟طب ازاي احقق هدفي بجد؟ ازاي اشتغل شغل يليق بيه ؟ ازاي اعرف العالم بقدراتي ؟ انا فيا مميزات كتير ومنها سرعه التعلم والرغبه المستمره في التعلم دون توقف طب مين يقدر ده؟ واسأله كتير جوايا نفسي أجوابها . مهما اتعلم واتحط في مشاكل في حياتي ....ومهما سألت محدش جوبني عليها ، لحد ماوصلت للمرحله أني تايهه في الدنيا ، أني مش عارفه كل الي بعمله ده هيوديني لفين ؟ انا بعمل الشئ الفلاني ده ليه ؟ عشان اكون ايه؟ طب وهيغير أيه؟ أكتشفت أن أي خطوه هخدها في حياتي لازم أسأل نفسي مليون سؤال وسؤال أصل العمر مش بعزقه ولا هو شئ نقدر نشتريه ؟ لازم نعرف نوجهه نفسنا كويس أوي ، لازم منسبش الدنيا ترمينا يمين وشمال ....والي يجي يجي ، والي يروح يروح ، لازم اكون عارفه انا بعمل ده ليه ؟ ونتجته أيه ؟ واياك ثم اياك تجري أو تكمل أو  تمشي وراء شئ مجهول الهويه وتفاصيله مش واضحه ، ساعتها هتخسر وقت ، ساعتها هتخسر عمر ، ساعتها مش هتوصل للحاجه. يمكن أنا هنا عشان أديكم نصيحه أو وجودي مهم في أني اساعد حد او اكون حد مؤثر وملهم أو اكون شخصيه ناجحه ،،،، لكن ديما بقول للنفسي كل يوم للتعيشي وتسعي أنك تكوني حاجه كبيره رغم كل حاجه صعبه في حياتك ، للتعيشي تحت الطين ......وفي الأخر أحب أختصر عليك بكلمتين متنسهمش أفهم نفسك ، ثم أفهم نفسك ، ثم أفهم نفسك وبعدين  أسعي للتطويرها ، حدد هدف كل شئ حواليك وهيوصلك لأيه ؟ ووقتها لما تعرف نتجته للتختار تكمل فيه عشان يكمل تطورك وتنجح أكتر أو أنك تبعد لأن هدف الشئ ده ليس هدفك بالمره ، وخصوصاً لو كان شئ مجهول الهويه أبعد لأن عمرنا مش بالسهل ولا نقدر نعيده ونشتريه ، ونصيحه من قلبي ليكوا هتحسوا أنكم عندكم فضول تتعلموا كل شئ في نفس ذات اللحظه والنفس ووقتها مش هتتعلموا شئ واحد! ركز في حاجه وخلصها وبعدين أبدأ غيرها مهما أخدت وقت فيها! المهم تتعلمها وتتقنها وتكون متفقه مع أهدافك وتطويرك للذاتك عشان تكون شخص ناجح. وأخيراً وليس أخيراً أسعي في طريق قدراتك وإيمانك بنفسك إلي هيضمن ليك الوصول للهدف إلي نفسك فيه ، مهما قبلتك ضروب ومشاكل ، وحاجات كتير هتعدي لأنك عارف أن ديه وجهتك ومستقبلك وحياتك وكيانك وتميزك وبروزك في المجال إلي هتقرر تمشي فيه ، بلأضافه أنك متهملش هوياتك أبداً وتطورها وتبرزها جنب شغلك الأساسي أو أنك تشتغل في مجالها وتكبر منها ، وكمان مفيش شئ بيجي بالساهل وأنك لازم تتعب عشان  توصل لأي حاجه نفسك فيها ، ربنا بيسعي معاكم مادمتم بتسعوا ومش هيسبكم مهما ظهرت الدنيا عكس كده من عدم توفيق ، وأقرئوا وأتثقفوا وأحفظوا كتاب الله ، أتقوه ، وأكيد هيكرمكم بلا حدود ، فنحدد هدف ، نسعي وراء الهدف ، نحل المشاكل والعواقب الي هتقبلك .

هدف......خطه......=حلم أتحقق بوجهه تناسب قدرتنا.

دمتم في سعي محدد ومتحقق.

للكاتبه : إسراء حسن محمد.