التسويق كلمه كبيره بتحمل معاني قويه جدا جدا ، حابه أشارك معاكم بعض الأساسيات الي تعلمتها من المدير التسويقي للشركه isuse .
بدأ بتعريف التسويق أنه يعتبر أداه قويه من خلالها بيتم بيع منتج لحل مشكله ما أو تقديم خدمه وأيضاً لحل مشكله ما.
ملخص تعريف marketing في العموم أنه :
"إيجاد حل"
وتقديمه في صوره منتج أو حتي خدمه .
من الحاجات الي قالهاوفاجئتني إن الإبتكار هو التقليد!
لقيت تركيزي في كلامه قل ، لأنه لغبطلي معلوماتي وبيقول عكس ما كل الناس بتقول .
فوضح كلامه وقال أنك تقلد منتج ناجح بطريقه صح تساعدك أنت كمان تنجح وبعدها تطور من ذاتك وتشتغل أكتر علي المنتج وتعلي بيه ده الأبداع .
ببساطه لأنك أخدت خبرات وتجارب وأبحاث ناس قبلك طبقتها صح ونجحت وأضافت جديد ليها ، بطريقه بتلمس أحتياجات الناس .
أضاف كمان أنك لازم تكون عارف الناس بتدور علي أيه! تراعي الأهتمام ده . زي مثلا مواصفات العريس الي بيكون محتاجها في شريكه حياته بتختلف من زمن للزمن ومن مكان للمكان ومن عصر للعصر ، لكن بيكون فيه نقط جوهريه لازم تتواجد في الشريك عشان العلاقه تنجح.
ده التسويق الصح ، انك تكون شريك للعملاء الخاصين بيك عن طريق معرفه النقطه الجوهره الي كلهم بيسعوا ليها .
ووقت شرحه أنا كنت ببحث وبشوف ياتري الكلام ده منطقي؟
أخر حاجه ذكرها هي ال ٤ب أو ال 4ps:
وده إختصار لأربع كلمات بيبدؤا بحرف الp.
الp الأولي المنتج product,الpالثانيه السعر price,الpالثالثه المكانplace,الpالرابعه العرضPromotions .
ومثال علي كل الكلام ده شركه flow لما عملت شكل زجاجه مميز وكتبت عليها كلمه مميزه ، وبقت مبتكره وسط كل زجاجات الماء الموجوده في السوق .
خلقت عند العملاء حب إمتلاك الزجاجه ، لأنه عرفت أن إهتمامهم الfashion فبدأت تبتكر طريقه توصل بيها للأحتياج ده .
وأخيراً وليس أخراً حابه أختم بأن كونك بتسوق لازم يكون عندك unique sale point. بأنك تكون مختلف في تقديم أحتياجات وإهتمامات العملاء عشان تنجح عشان تفوز وأكبر مثال شركه apple بتبيع التفاحه مش التلفون .
مجال التسويق لا غني عنه ، وسهل جداً أي حد يشتغل فيه بس الي مش سهل إنك تبتكر فيه وتطور فيه . لأنه مجال بيعتمد علي التطوير و مواكبه كل زمن وفهم أحتياجاته.
المرجع :
https://www.investopedia.com/contributors/54405/
وتوثيق للكلام أستاذ يوسف.
الكاتبه :إسراء حسن محمد .
تعليقات
إرسال تعليق